16:37
USD 89.41
EUR 96.91
RUB 0.97

Орус буудайы Борбор Азия өлкөлөрүнө Казакстандыкы катары сатылып келген

Жасалма келишимдер менен Орусиядан Казакстандын Павлодар облусуна мыйзамсыз буудай алып кирүү жана аны казак даны катары Борбор Азия өлкөлөрүнө сатуу фактысы боюнча сотко чейинки тергөө иштери аяктады. Бул тууралуу Казакстандын Каржы көзөмөлү боюнча агенттиги билдирди.

Мекеме тергөөнүн кызыкчылыгын жүйө келтирип, бул боюнча кеңири маалымат берген жок.

Тергөөнүн версиясына ылайык, айыпталуучу 2021-2022-жылдары Борбор Азия өлкөлөрүнө (Ооганстан, Тажикстан жана Өзбекстан) 1 миллиард теңгеден ашкан суммага 26 миң тонна орус буудайын саткан. Бирок анын жасалма эсеп-фактурасында буудай Казакстанда өндүрүлгөнү көрсөтүлгөн. Айыпталуучу бул схеманын жардамы менен эл аралык транзит үчүн мамлекетке 460 миллион теңге төлөгөн эмес.

Азырынча бул боюнча айыпталуучу тараптын позициясы белгисиз.

Эң көп окулган жаңылыктар