Кыргызстанда аялдар үй жумушуна беш эсеге көп убакыт коротот. Бул тууралуу Улуттук статистикалык комитеттин жетекчиси Бактыбек Кудайбергенов билдирди.
Анын айтымында, бул көрсөткүч аялдардын кесиптик өнүгүүсүнө тоскоол болот.
Айылда жашаган аялдар шаардыктарга караганда үй жумушуна 1,3 эсеге көп убакыт коротот.
Аялдардын эмгекке жарамдуу бөлүгүнүн 63,4 пайызы бала карап, иштешпейт. Иштеген аялдар жумушка орношууда дискриминацияга дуушар болгону дагы айтылды.
