Чаткал районунун Курулуш айылында 1 турак үйдүн короосун кар көчкү басып калган. Бул тууралуу ӨКМ билдирди.
Маалыматка караганда, жеринде тактоо иштери жүргүзүлүп, кар көчкүдөн адам өмүрүнө коркунуч жана жабыркагандар жок экендиги аныкталган.
Учурда Чаткал райондук Өзгөчө кырдаалдар бөлүмүнүн башчысынын жетекчилигинде 4 куткаруучу тартылып, турак үйдүн короосунда кар көчкүдөн тазалоо жумуштары жүргүзүлүүдө.
