20:18
USD 84.56
EUR 99.59
RUB 1.15

Аксыдагы селде алты адам каза болду

Аксы районунун Ак-Жол айыл аймагындагы селде алты киши каза болду. Дагы эки адам изделүүдө.

Өзгөчө кырдаалдар министрлигинин басма сөз кызматы билдиргендей, 12-июлда кечинде кыска мөөнөттүү жаандан улам кокту-колоттон сел түшүп, сегиз кишини агызып кеткен. Арасында бала да бар.

Түндө эки эркектин жана төрт аялдын сөөгү табылган. Алардын тек-жайы такталып жатат.

«Азаттыктын» аймактагы кабарчысы жергиликтүүлөргө таянып билдиргендей, сел агызып кеткендердин арасында Жаңы-Жол айылынын тургундары да бар.

Көз жумгандардын алтоо бир үй-бүлөнүн мүчөлөрү экени айтылууда.

Эң көп окулган жаңылыктар