Кыргызстан менен Тажикстандын талаш аймактары боюнча дагы эле бир пикирге келе элек. Бул тууралуу УКМКнын төрагасы Камчыбек Ташиев маалымат жыйында билдирди.
Анын айтымында, эки тарап талаш аймактар боюнча бир бүтүмгө келе элек.
«Акыркы кол коюлган протоколдо талашсыз аймактар гана көрсөтүлгөн. Талаш аймактар боюнча бир пикир жок. Президент Садыр Жапаров дагы Тажикстан Эмомали Рахмон менен 5-6 саат бул боюнча сүйлөштү. Бирок жылыш жок», — деди ал.
