Кара-Суу районунун Савай айылынынын тургундары Өзбекстанга жер берүүгө каршы митингге чыгышты. Бул тууралуу 24.kg агенттигине жергиликтүү тургундар билдирди.
Алардын айтымында, каршылык акциясы 10 күндөн бери уланууда.
«Боз үй тигип, 100дөй киши топтолуп олтурат. Кемпир-Абад суу сактагычынын сол жээгиндеги 50 гектар жер Өзбекстанга өтөрү айтылды. Биз ага каршыбыз. Жер менен бирге анда бизди дагы бергиле. Камчыбек Ташиев өзү келип, биз менен жолугушуп кетсин», — дейт алар.
