Кыргыз-өзбек мамлекеттик чек арасын делимитациялоо жана демаркациялоо боюнча өкмөттүк делегациянын жетекчиси, Улуттук коопсуздук боюнча мамлекеттик комитетинин (УКМК) төрагасы Камчыбек Ташиев Өзбекстанга учуп кетти. Бул тууралуу өкмөттүн аппаратынын маалыматтык камсыздоо бөлүмү билдирет.
Маалыматка ылайык, Ташиев кыргыз-өзбек чек ара маселеси боюнча сүйлөшүүлөрдү өткөрүү үчүн 22-мартта Ташкентке жөнөп кеткен.
Өкмөттөр аралык делегациянын жыйыны Ташкент шаарында 24-25-март күндөрү өтүп, анда кыргыз-өзбек чек арасындагы такталбаган тилкелерди делимитациялоо боюнча сүйлөшүүлөр болот.
