2020-жылдын биринчи жарым жылдыгынын жыйынтыгы боюнча, элдин өкмөткө болгон ишениминин деңгээли 30,5 пунктту түзгөн. Мындай маалыматты Улуттук статистика комитети билдирет.
Бул көрсөткүч 2019-жылдын аягына караганда 2,7 пунктка көп болду. Калктын ишеним индекси — 100дөн +100гө чейин эсептелген. Упай канчалык жогору болсо, ишеним ошончолук жогору болот. Сурамжылоо өлкөнүн бардык аймактарында 18 жаштан 75 жашка чейинки 3,6 миң адамдын арасында жүргүзүлгөн.
Аларга үч суроо берилген: «Сиз мамлекттик органдардын кайсы бирине канчалык деңгээлде ишеним артасыз?», «Андагы коррупциянын деңгээлин кандай баалайсыз?» жана «Сиз анын иш-аракеттерине канааттанасызбы?»
Баарынан кызыгы, былтыркы жылдын жыйынтыгы боюнча Нарын облусу биринчиликке чыккан. Аймактын бийлик органдарына болгон ишеними жогору бойдон калууда, бирок жылдын экинчи жарымында бул көрсөткүч 9,9 пунктка төмөндөдү.
Белгилей кетсек, Бишкек жана Ош шаарларынын мэриялары индексте 51 баллга ээ болушту. Башка аймактардыкы алардын жарымына дагы жеткен жок.
Мамлекеттик бийлик органдарынан жергиликтүү мамлекеттик администрацияга (49.4 балл) чоң ишеним артышары белгилүү болду, өкмөттүн ыйгарым укуктуу өкүлдөрүнүн аппараттарына (49.3), Өзгөчө кырдаалдар министрлигине (47.8), Жергиликтүү өз алдынча башкаруу иштери боюнча мамлекеттик агенттигине (47.1), Жаштар, дене тарбия жана спорт боюнча мамлекеттик агенттигине (44.9) жана маалыматтык технологиялар жана байланыш боюнча мамлекеттик комитет (44.8) балл.
Мамлекеттик соттук-эксперттик кызматка (17,7 балл), Мамлекеттик мүлктү башкаруу фондусуна (19.2), Экономикалык кылмыштарга каршы күрөшүү мамлекеттик кызматына (21.2), Госархстройго (21.2) жана Мамлекеттик салык кызматына ишеним деңгээли (22,4) түздү.
Эгерде региондор боюнча министрликтерге жана мекемелерге ишеним деңгээлин карасак, анда айрым кызматтар терс рейтингди алышат.
Ошондой эле, Бишкек шаарынын тургундары Мамлекеттик бажы кызматына (-19,1 балл), Салык кызматына (-6), Жазаларды аткаруу мамлекеттик кызматына (-5.3), Госархстройго (-5), Мамлекеттик мүлктү башкаруу фондуна (-2.8), Экономикалык кылмыштуулукка каршы күрөшүү боюнча мамлекеттик кызматына (-2.4) жана Мамлекеттик соттук-эксперттик кызматына (-1.4)такыр ишенишпейт.
Башка региондордо мамлекеттик органдарга болгон ишеним деңгээлинин терс көрсөткүчү катталган жок.
