Акылбек Осмоналиев өкмөтүнүн аппаратынын жетекчисинин биринчи орун басары болуп дайындалды. Бул тууралуу өкмөттүн аппаратынын маалыматтык камсыздоо бөлүмү билдирди.
Буйрукка премьер-министр Кубатбек Боронов кол койду.
Башка жарлык менен, ал өкмөттүн Ысык-Көл облусундагы ыйгарым укуктуу өкүлү кызматынан бошотулду.
Ыйгарым укуктуу өкүлү болуп Балбак Түлөбаев дайындалды. Ал буга чейин Бишкек мэриясынын аппаратын жетектеген.
