Таш-Көмүр аймактык ооруканасында медикаменттер жана жеке коргонуучу каражаттар жетишсиз. Бул тууралуу 24.kg агенттигине окурмандардын бири маалымдады.
Анын айтымында, ыктыярчылар оорукананын абалы оор экенин билишкен, бирок Таш-Көмүргө чейин логистиканы уюштуруу кыйынга турган.
«Эгер алар Ошко чейин эптеп алып келип жатышса, анда Таш-Көмүргө чейин жеткирүү мүмкүн эмес. Ооруканага бир жолу кийилүүчү коргонуу костюму, гепарин, клексан жана башка дары-дармектер керек. Көйгөйдү чыгарууга жардам бериңиз, мүмкүн бирөө ушул шаарга логистиканы уюштурууга жардам берет», - дейт окурман.
Кандайдыр бир окуяларга күбө болсоңуз 24.kg агенттигине 0555312024 номуру аркылуу WhatsApp же Telegram жөнөтсөңүз болот.
