Кыргызстанда жыл башынан бери 145 миң 827 балага «сүйүнчү пул» төлөнүп берилди. Бул тууралуу маалымат жыйынында Эмгек жана социалдык өнүгүү министри Улукбек Кочкоров билдирди.
Айтымында, сүйүнчү пулдун жалпы суммасы 547 миллион сомду түздү.
«Азыркы тапта министрлик сүйүнчү катары берилген 4 миң сом акчаны алуунун механизмин жеңилдетип жатат. Эми балага «сүйүнчү пул» 2-3 күн ичинде төлөнүп берилет. Аны алууга баланын туулгандыгы тууралуу күбөлүк жана ата-энесинин паспорту керектелет», -деди министр.
Ата-энелер бул үчүн Калкты тейлөө борбору, никени каттоо бөлүмдөрүнө жана маалымат күркөлөрүнө кайрыла алат.
