Чүй облусуна караштуу Панфилов районунда күйүүчү-майлоочу майды мыйзамсыз саткан бир канча жай аныкталды. Бул тууралуу Экономикалык кылмыштуулукка каршы күрөшүү боюнча кызматтан билдиришти.
Маалыматка караганда, Панфилов районундагы жеке турак үйлөрдө бензин жана дизелдик майды сатып жатышкан. Каржы полициясы сапатсыз май унаага зыян келтирип, айлана-чөйрөнү булгай турганын билдирди.
Кыргызстандын баардык аймагында күйүүчү-майлоочу майды мыйзамсыз саткандарды аныктоо боюнча иштер жүрүүдө.
