Алтынбек Намазалиев өкмөттүн Чүй облусундагы ыйгарым укуктуу өкүлү болуп дайындалды. Бул тууралуу өкмөттүн аппаратынан билдиришти.
Тийиштүү буйрукка премьер-министри Мухаммедкалый Абылгазиев кол койду.
Эске салсак, буга чейин Чүй облусундагы ыйгарым укуктуу өкүлү болуп Туйгунаалы Абдраимов иштеп келген. Ал Чүй облусуна караштуу Орок айылындагы окуя маалында журналистти келекелегени үчүн сынга кабылып, кечээ кызматтан бошотулду.
Буга чейин Алтынбек Намазалиев Аламүдүн районунун акими болуп иштеп турган.
Дагы бир буйрукка ылайык, Марс Саккараев Чүй облусунун Аламүдүн районунун мамлекеттик администрация башчысы — акими болуп дайындалды.
