Бүгүн Бишкектин «Ала-Тоо» борбордук аянтында «Салттуу музыка жумалыгынын» жабылыш аземи өтөт. Анын алкагында аянтта чоң көргөзмө-жармаңке өтүп жатат.
Кыргыздын улуттук буюмдары, кийим-кечектери жана аспаптары элдин сынына коюлду.
Эске салсак, аталган иш-чара 20-апрелде башталган. Анда «Дастан күнү», «Күү күнү» белгиленип, салттуу музыкалык искусствонун айтуучулук багытына арналган манасчы, дастанчы, төкмө акындардын гала-концерттери уюштурулду. Жумалык быйыл он бешинчи жолу өткөрүлүүдө.