КРнын Тышкы иштер министрлиги алдындагы Консулдук кызмат департаменти тарабынан WhatsApp, Telegram, WeChat жана Viber тиркемелери аркылуу +996 (551) 312-000 номуру боюнча чет мамлекетте жүргөн мекендештер үчүн байланыш каналы иштеп баштады. Бул тууралуу ТИМдин басма сөз кызматынан билдиришти.
Маалыматка ылайык, байланыш каналы күнү-түнү кайрылууларды кабыл алып, укуктук жана жарандык кызыкчылыктарды коргоодо ыкчам жардам берүү максатында түзүлгөн.
Муну менен бирге чет өлкөдө иштеген мекемелердин иши тууралуу да маалымат жана арыздар кабыл алынат.
