Кыргызстандын көпчүлүк аймактарында 9-январда мезгил-мезгили менен кар жаайт. Бул тууралуу Кыргызгидрометтен билдиришти.
Маалыматка ылайык, жолдор тоңголок, тайгак болот. Батыштан соккон шамалдын ылдамдыгы секундасына 4-9 метрге чейин жетет.
Чүй облусунда абанын температурасы түнкүсүн 0...-5, күндүз +1...+6, Талас облусунда түнкүсүн −1...-6, күндүз +1...+6га жетет. Ош, Жалал-Абад жана Баткен аймактарында түнкүсүн −2...-+3, күндүз +1...+6 болот. Ысык-Көл облусунда түнкүсүн −3...-8, күндүз −1...+4, Нарын облусунда түнкүсүн −18...-23, күндүз −9...-14 түзөт.
Бишкек менен Ошто 9-январда мезгил-мезгили менен кар жаашы күтүлөт.
