Президенттик балаты. Өлкөнүн бардык аймактарынан 1100 окуучу чакырылган
17:31, 25 декабря 2018, Бишкек - 24.kg
Президент Сооронбай Жээнбеков эртең Бишкек шаарында Т.Сатылганов атындагы Кыргыз улуттук филармониясында жыл сайын өтүүчү салттуу Жаңы жылдык балатыга катышат. Бул тууралуу президенттик аппараттан билдиришти.
Маалыматка караганда, президенттин атынан өткөрүлгөн Жаңы жылдык балатыга өлкөнүн бардык аймактарынан мектеп курагындагы 1100 окуучу чакырылган.
Алардын арасында — окуунун мыктылары, олимпиадалардын, эл аралык сынактардын жана мелдештердин жеңүүчүлөрү, балдар үйлөрүнүн тарбиялануучулары, ден-соолугунун мүмкүнчүлүктөрү чектелген балдар бар.
