Кыргызстанда жыл башынан бери 9 миңге жакын киши гепатит жана жугуштуу вирустар оорусун жуктуруп алган. Бул тууралуу оорулардын алдын алуу жана санитардык-эпидемиологиялык көзөмөл департаментинен билдиришти.
Маалыматта айтылгандай, былтыркы жылга салыштырмалуу көрсөткүч 14,7 пайызга өскөн. Өткөн жылы 7 миң 565 киши аталган ооруну жуктуруп алышкан.
А гепатити менен ооругандар Ош (184,8), Баткен (198,3), Жалал-Абад (188,1) облустарында жана Ош шаарында (163,4) байкалат.
2018-жылдын башынан тарта 489 бейтап сальмонеллез оорусун жуктуруп алган. Алар Бишкек, Ысык-Көл жана Чүйдө коомдук тамактануучу жайларда болгон тамактан ууланууга байланыштуу.