Баткен облусунда аткезчилик жолу менен ташылып бара жаткан өрдөк эти кармалды. Бул тууралуу Бажы кызматынан билдиришти.
Маалыматка караганда, Чоң-Талаа айылында «Мерседес-бенц спринтер 412» унаасын текшерүү маалында жалпы салмагы 2 680 килограмм өрдөктүн тоңдурулган эти табылды.
Айдоочуда бажылык жактан таризделген товар коштоочу документтери жана ЕАЭБдин бажы аймагына ташып кирүүнүн легалдуулугун тастыктаган документтери жок болуп чыккан.
Кармалган товардын жалпы суммасы 656 миң 600 сомду түздү.
