Бишкекте медициналык тез жардам борборуна жаңы унаалар тапшырылды. Вице-мэр Асел Куламбаеванын айтымында, шаардык муниципалитеттин планында жыл сайын 6-7 жаңы тез жардам унаасын алуу турат.
«Тез жардам кызматынын ишинен жарандардын өмүрү көз каранды», -деди ал.
Жаңы унаалар Бишкектин жаңы конуштарына бөлүнөт. Тез жардам борборунун башкы дарыгери Искендер Шаяхметов алынып келинген 6 жаңы унаа тез жардам көрсөтүүнүн сапатын жакшыртат деген үмүттө.
«Биздин кызмат социалдык чөйрөгө багытталган, биз күнү-түнү шаардыктарга акысыз кызмат көрсөтөбүз», -деди ал.
