Алматыда жергиликтүү телеканалдардын биринин 21 жаштагы журналисти Айгерим Мусаеванын сөөгү табылды. Шаардык ички иштер департаментинин басма сөз кызматы билдиргендей, журналист болжол менен тепловоздун алдында калып каза болгон.
19-октябрда Алматы ички иштер департаментине үй-бүлөлүк чатактан кийин үйдөн чыгып кеткен 1991-жылы туулган жубайы Айгерим Мусаева дайынсыз болуп жатканын айтып кайрылган.
Полициянын маалыматына караганда, Мусаеванын сөөгү 20-октябрга караган түнү шаардагы негизги пайдаланууда болбогон магистралдын темир жолунда табылган.
Мекеменин басма сөз кызматы билдиргендей, учурда бул окуя боюнча транспорттук полиция текшерүү иштерин баштады.
