Ош-Баткен-Исфана автожолунун 284-чакырымындагы жол кырсыгында 23 адам жабыркады. Бул тууралуу өкмөттүн облустагы өкүлчүлүгүнөн билдиришти.
Жол кырсыгы кечээ, 17-октябрда саат 14.40да, Баткен районунун Ак-Татыр айылынын аймагындагы болду. Анда эки Мерседес-Спринтер үлгүсүндөгү ууна кагылып кеткен. Алардын бири Ош-Исфана багытында экинчиси Исфана-Бишкек тарапка жүргүнчү ташып бара жаткан.
Баткен облустук ооруканасында 22 жаран жаткырылды. Алардын бешөө оор абалда жандандыруу бөлүмүндө. Ал эми экөөсүнө амбулатордук жардам көрсөтүлдү. Бирөө каза болду.
