Мас абалында унаа айдаган түрк атташеси боюнча Түркиянын элчилигине нота жиберилди. Бул тууралуу Тышкы иштер министрлигинин мамлекеттик протоколдор департаментинин жетекчиси Рустам Кошонов журналисттерге билдирди.
«Окуя кайра кайталанбашы үчүн, Түркиянын Кыргызстандагы элчилигине нота жиберилди. Элчиликтин кызматкерин чакырып алуу бул Түркия мамлекетинин ички маселеси», — деди Рустам Кошонов.
Эске салсак, 12-сентябрда Түркия элчилигинин кызматкери Каражан Эркан мас абалында унаа башкарып бара жатканда, тартип сакчылары тарабынан токтотулган.
