Жалал-Абад облусунда жыл башынан бери өспүрүмдөрдүн катышуусунда 97 жол кырсыгы катталды. Бул тууралуу Жалал-Абад облустук жол кыймылынын коопсуздугун камсыздоо башкармалыгынан билдиришти.
Маалым болгондой, 14 өспүрүм кырсыктын курмандыгы болгон.
Катталган жол кырсыктарынын кесепетинен 104 бала денелеринен түрдүү жаракаттарды алышкан. Кырсыктардын алдын алуу боюнча аталган облуста «Салам мектеп», «Айдоочу абайла» сыяктуу иш-чаралар уюштурулууда.
