24.kg агенттигинин окурмандарынан келип түшкөн суроолорго Дин маселелери боюнча маалымат жана кеңеш берүү борборунун адистери (теолог, юрист, психолог) жооп берет.
Суроо: Жамаат менен окулуучу намазды үйдө үй-бүлө мүчөлөрү менен чогуу окуса болобу?
Жооп: Үй-бүлө мүчөлөрү менен чогуу намаз окуса болот. Бирок, аялдарга жамаат менен намаз окуу милдет эмес. Бирок, ошол эле учурда мындай мүмкүнчүлүккө тыюу салуу да жок. Болгону аял киши эркектин артында турушу шарт. Жамаат намазына башка туугандык байланышы бар аялдар дагы кошула алат.
