21:02
USD 69.08
EUR 81.24
RUB 1.05

Башкы прокуратура Данияр Үсөнов тууралуу түшүндүрмө берди

Кыргызстандын Башкы прокуратурасы Беларусь Республикасында качып жүргөн мурунку премьер-министр Данияр Үсөнов тууралуу түшүндүрмө берди.

Маалыматка караганда, 2017-жылдын 14-декабрында Башкы прокуратура Беларусь Республикасына атын Даниил Урицкий деп өзгөртүп алган Данияр Үсөновду издөө жана кармоо боюнча чара көрүүнү өтүнүшкөн.


Ушул жылдын 6-мартында Беларусь Республикасынын Башкы прокуратурасы жарандык, үй-бүлөлүк жана кылмыш ишине тиешелүү укуктук жардам жана мамиле тууралуу Конвенциянын беренелерине шилтеме берүү менен өтүнүчтү аткаруудан баш тарткан.

Март айында Кыргызстандын Башкы прокуратурасы кесиптештерине Данияр Үсөновду кайтарып берүү тууралуу билдирүү жөнөтүшкөн. Бирок, экинчи тарап аны экстрадиция кылуудан баш тартышууда.

Эске салсак, Данияр Үсөнов 2010-жылдагы 7-апрель окуялары боюнча сырттан соттолгон. Ага карата өмүр бою эркинен ажыратуу өкүмү чыгарылган.

Эң көп окулган жаңылыктар