Бишкек шаардык шайлоо комиссиясы мамлекеттик тилден сынак алуучу топтун курамын бекитти. Бул тууралуу «24.kg» агенттигине Кайрат Маматов билдирди.
Жети кишиден турган топ 31-июль күнү талапкерлердин кыргыз-тилин сынайт. Сынакта талапкер өзүнүн программасын кыргыз тилинде жазып, окуп бериши керек. Андан тышкары көркөм чыгармадан үзүндү окушат. Кошумча суроолор берилиши дагы мүмкүн.
Эскерте кетсек, бүгүн Бишкек шаардык кеңештин коалициялык көпчүлүгү Азиз Суракматовду мэрликке көрсөттү. Мурдакы каала башчысы Албек Ибраимовго кылмыш иши козголуп, камоого алынган.