Дача-СУ айылында «Боинг-747» учагынын кыйрашына учак экипажынын кетирген катасы себеп болгон. Бул тууралуу депутаттарга «Манас» аба майданынын башкы директору Эмир Чукуев билдирди.
Унаа жана жолдор министри Жамшитбек Калилов жабыркаган үй-бүлөлөрдүн баардыгына компенсация толугу менен төлөнүп берилгенин айтты. Бирок, ал жабырлануучулардын суранычы менен канча каражат төлөнгөндүгүн айткан жок.
Эске салсак, кырсык 2017-жылдын 16-январында катталган. Дача-СУ айылына жүк ташуучу учак кулап түшүп, кесепетинен 39 киши каза болгон.
