Кыргызстанда психикалык оорууга чалдыккандардын саны көбөйүүдө. Бул тууралуу Саламаттыкты сактоо министрлиги кабарлайт.
Алардын маалыматында, 2017-жылы 2 миң 659 адам психикалык дарт менен катталган. Анын ичинен 424 шизофрения менен жабыркайт. Жин оорусуна чалдыккандардын 112и Бишкек шаарынын тургундары, 93ү Чүйдө, 84ү Ош облусунда, 12ү Талас жана Нарында жашайт.
Эс тутуму бузулгандардын саны 2017-жылы 1004гө жетти. Мында бейтаптардын көбү Чүй облусунун жашоочулары — 222 киши.
