Жапалак айыл аймагындагы таштандыны иретке келтирбегендиги үчүн Ош шаардык мэриясынын «Тазалык» ишканасына айып салынды. Бул тууралуу мамлекеттик техникалык көзөмөл инспекциясы маалымдайт.
Алардын маалыматында, Жапалактагы 54 гектар жерди ээлеген таштанды 1970-жылдан бери иштейт. Андан бери жергиликтүү бийлик таштанды жайын толук мыйзамдаштырган эмес.
«Айланасы тосулбай, аталган жерге ит-куш, мал жандыктардын өлүктөрү дагы көмүлүп, санитардык абалы кооптуу болуп, айлана-чөйрөгө дагы оор ахыбалды жаратууда» — дейт мамтехинспекция.
Инспекция мэрияга таштандыны башка жакка көчүрүүнү сунуштайт.
