Нарында улуу муун менен жаштар арасында футбол боюнча мелдеш өткөрүлдү

Нарын казыяты Нарын медресесинин демөөрчүлөрү арасында футбол боюнча мелдеш уюштурду. Бул тууралуу Муфтияттын басма сөз кызматы билдирди.

Таймашта 14 курама команда өз күчтөрүн сынашты. Таң эрте башталган оюн күүгүмгө чейин уланып, жаштар менен улуу муун спорттук турнирдин башкы кубогү үчүн ат салышты.

Мелдештин соңунда баш байгени Нарын казыятынын мугалимдери, 2-орунду «Адеп Башаты» фондунун курама командасы жеңип алса, 3-орунду «Бурак» командасы багындырды.

«Жаштар арасындагы таймашта 10 команда ат салышып, 1-орунду «Алга» тайпасы багындырып, өтмө кубоктун ээси болушту. 2-орун «Биримдик» тайпасына жана 3-орун «Ынтымак» командалары алды. Жеңүүчүлөргө кубоктон тышкары дипломдор жана китептер белекке берилди.

«62 жаштан 20 жашка чейинки инсандар катышкан бул мелдеш ары ден-соолукту, ары ынтымакты бекемдеп, Нарындын өнүгүүсүнө өбөлгө түзөт деген ишеничтебиз», -дейт Нарын казыятынын өкүлдөрү.