Евразия экономикалык биримдигине жаңы мүчөлөр кошулушу мүмкүн. Бул тууралуу Россиянын тышкы иштер министри Сергей Лавров билдирди.
Ал ЕАЭБ ачык уюм экендигин белгилеп, анын курамы кеңейиши мүмкүндүгүн айтты. Сергей Лавровдун билдирүүсүндө, учурда Тажикстандын талапкерлиги талкууланууда. Андан тышкары, ЕАЭБ Азербайжанды дагы катарына кошууга кызыкдар.
«Бул уюм түзүлгөндө биз эч качан экөөбүз, үчөөбүз сүйлөшүп алып, калгандар көрсөтмө берип турабыз деп айткан эмеспиз. Уюмду эшиги башынан эле ачык экендигин айтканбыз» - дейт Лавров.
