12 жылдык окууга өтүү: 5-класстар үчүн «Табигый илимдер» китептери басылып чыкты

Агартуу министрлигинин өкүлдөрү 5-класстар үчүн «Табигый илимдер» предмети боюнча окуу китептерин кабыл алышты.

Окуу китептери «Учкун» ачык акционердик коомунун басмаканасында жаңы басылып чыгып, жалпы билим берүү уюмдарындагы окутуу кыргыз жана орус тилдеринде жүргүзүлгөн класстар үчүн каралган.

Жалпы 153 180 нуска окуу китеби басылып чыкты. Анын ичинен 87 150 нускасы окутуу кыргыз тилинде жүргүзүлгөн мектептер үчүн, ал эми 66 030 нускасы окутуу орус тилинде жүргүзүлгөн мектептер үчүн арналган. Окуу китептери өлкөнүн бардык аймактарындагы билим берүү уюмдарына таратылат.