Кыргызстанда Туризмди өнүктүрүү боюнча мамлекеттик агенттик түзүлдү. Тийиштүү жарлыкка президент Садыр Жапаров кол койду.
Жаңы агенттик Экономика жана соода министрлигин кайра уюштуруунун натыйжасында түзүлдү. Агенттиктин негизги түзүмү — мурдагы жоюлган Туризм департаменти болду.
Өзгөртүүлөр ошондой эле Туризмди өнүктүрүү боюнча Улуттук кеңештин жаңы курамын түзүүгө алып келди.
Жарлык расмий жарыяланган күндөн тартып күчүнө кирет.
