Салык кызматынын төрагасы Алтынбек Абдувапов УКМКнын борбордук аппаратында сурак берүүдө. Маалыматты 24.kg басылмасынын кабарчысына күч түзүмдөрүндөгү булак тастыктады.
Маалыматка ылайык, бүгүн, 6-декабрда аткаминер суракка чакырылган. Саат 13.20дагы маалымат боюнча, ал тергөөчүнүн кабинетинде болууда.
Эске салсак, борбор калаанын бардык төрт райондук башкармалыгынын салык кызматкерлерин массалык түрдө камакка алуу Бишкек шаарында болгон. УКМКнын кызматкерлери «Альфанын» аскерлери менен биргеликте тинтүү жүргүзүп, андан соң төрт бөлүм башчы жана 30га жакын катардагы кызматкерлер суракка алынып келинген. Кийинчерээк мамлекеттик комитет тинтүүнүн себептерин жана кармалгандардын аты-жөнүн жарыялады.
Улуттук коопсуздук боюнча мамлекеттик комитеттин төрагасы Камчыбек Ташиев бир күн мурун парламентте сүйлөп жатып: Салык кызматкерлери электрондук накладнойлорго (ЭТНН) байланыштуу коррупциялык схема түзүп, өлкөнүн бюджетине 3,2 млрд сом зыян келтиргенин билдирген. Ошол эле учурда ал Салык кызматынын жогорку жетекчилери да кармалышы мүмкүн экенин белгиледи.
Мындан тышкары, 24.kg маалымат булагы 5-декабрда Мамлекеттик салык кызматынын төрагасынын орун басары Исламбек Кыдыргычев суракка чакырылып, андан соң кармалып, УКМКнын убактылуу кармоочу жайына киргизилгенин билдирди.
