Салык кызматынын Бишкектеги бөлүмдөрү кадимки режимде ишин улантууда. Маалыматты 24.kg басылмасына аталган башкармалыктан тастыкташты.
«Бардык райондук бөлүмдөр штаттык режимде иштеп жатат», — деп билдиришти салык кызматынан.
Эске сала кетсек, Салык кызматынын үч райондук башкармалыгынын жетекчилери 48 саатка камакка алынган. Кошумчалай кетсек, 3-декабрда УКМКнын кызматкерлери «Альфа» атайын кызматкерлери менен биргеликте Мамлекеттик салык кызматынын төрт райондук бөлүмүндө тинтүү жүргүзүшкөн.
Жыйынтыгында 30 кызматкер жана төрт жетекчи суракка алынып келинди. Кийинчерээк катардагы жумушчулар менен бир жетекчи бошотулуп, үч аткаминер убактылуу кармоочу жайга киргизилген.
Маалыматтарга караганда, салык кызматкерлери коррупцияга шектелип текшерилген.
