Жогорку Кеңештин Транспорт, коммуникациялар, архитектура жана курулуш боюнча комитетинин жыйынында депутат Исхак Масалиев Экономика министрлигин кыймылсыз мүлк менен бүтүмдөрдү милдеттүү камсыздандыруу полисин киргизүү демилгеси үчүн сынга алды.
Ал белгилегендей, министрлер кабинетинин башчысы Акылбек Жапаров бюджетке ири кирешелер тууралуу айтып жатканы менен бийлик кошумча салыктарды киргизүүнү улантууда.
«Сиз кандай, бала бакча иштетип жатасызбы? Үйүмдү камсыздандырбасам, сатсам болбойбу? Бул укукту сага ким берди? Мен ээсимин, аны мен курдум. Мен аны сатаардан мурун камсыздандырышым керекпи? Көп кабаттуу үйлөрдөгү батирлер жөнүндө эмне айтууга болот? Алардын баары камсыздандыруусу керекпи? Сиз эмне камсыздандыруу компанияларында иштейсизби? Өрт жана кырсыктар үчүн бюджеттен канча компенсация төлөндү? Эч нерсе төлөнбөйт. Алар ар дайым өз алдынча макулдашат», — деди эл өкүлү.
Депутаттар «Жол кыймылы жөнүндө», «Кыймылсыз мүлккө укуктарды жана аны менен болгон бүтүмдөрдү мамлекеттик каттоо жөнүндө», «Күрөө жөнүндө» мыйзамдарга өзгөртүүлөрдү киргизүүнү талкуулап жатышат.
Мыйзам долбоору Президенттин 2024-жылдын 20-мартындагы «Кыргыз Республикасында камсыздандыруу рыногун өнүктүрүү боюнча чаралар жөнүндө» Жарлыгын жана «Турак жайларды өрттөн жана табигый кырсыктардан милдеттүү камсыздандыруу жөнүндө» мыйзамды ишке ашыруу максатында иштелип чыккан.
