Кыргызстандын министрлер кабинети Талас районунун аймагында жайгашкан Талды-Булак, Солто жана Андаш сыяктуу бир катар кендер боюнча лицензиялык келишимдердин шарттарынын сакталышын жана милдеттенмелеринин талаптагыдай аткарылышын текшерүүнү чечти. Тиешелүү буйрукка министрлер кабинетинин башчысы Акылбек Жапаров кол койду.
Документте «көз карандысыз жана ар тараптуу текшерүү жүргүзүү үчүн» жумушчу топ түзүлгөн.
Ал 2015-жылдын 6-апрелинде жана 2023-жылдын 28-августунда түзүлгөн Жаратылыш ресурстары, экология жана техникалык көзөмөл министрлиги менен «Андаш Майнинг Компани» ЖЧКсынын ортосундагы лицензиялык макулдашууларды изилдеп чыгышы керек.
Юстиция министрлигинин каттоолоруна ылайык, «Андаш Майнинг Компани» ЖЧКсынын жетекчиси Талгат Абыканов, негиздөөчүсү «GeoMining Group» жоопкерчилиги чектелген коому болуп саналат.
Ошондой эле жумушчу топ 2023-жылдын 23-мартында түзүлгөн Жаратылыш ресурстар, экология жана техникалык көзөмөл министрлиги менен «Кыргызгеология» мамлекеттик ишканасынын ортосундагы лицензиялык макулдашууларды карайт.
«Кыргызгеология» мамлекеттик ишканасы менен «Талас Коппер Голд» ЖЧКсынын 2023-жылдын 27-мартындагы келишими да изилдөө предмети болот.
Текшерүү аяктагандан кийин жумушчу топ тиешелүү документтерди берүүгө тийиш
