Баткен облусунун Лейлек районуна караштуу Кулунду айылында жайгашкан үч кабаттуу соода борборунан өрт чыккан. Бул тууралуу Өзгөчө кырдаалдар министрлиги билдирди.
Маалыматка ылайык, өрттү өчүрүүгө саат 21:10дон тарта жалпы беш күжүрмөн эсеп тартылып, саат 22:40да чектөөгө алынган. Саат 00:10до толук өчүрүлгөн.
«Өрттүн жалпы аянты болжол менен 400 чарчы метрди түзгөн. Тилсиз жоодон жабыркагандар жок», — деп айтылат маалыматта.
