21:36
USD 89.02
EUR 94.77
RUB 0.95

Эмгек министрлиги: 21 кызмат электрондук түрдө «Түндүк» порталында жеткиликтүү

Эмгек, социалдык камсыздоо жана миграция министрлигине тиешелүү 21 кызмат «Түндүк» электрондук кызмат көрсөтүүлөрдүн мамлекеттик порталында жеткиликтүү. Бул тууралуу мекеменин басма сөз кызматы билдирди.

Министрлик аталган чара калкка көрсөтүлүп жаткан кызматтардын сапатын, даректүүлүгүн жана натыйжалуулугун жогорулатуу максатында кабыл алынганын белгиледи.

Маалыматка ылайык, өткөн жылы мамлекеттик кызматтарды көрсөтүүнүн жүрүшүндө автоматташтырылган режимде 7,2 миллиондон ашык транзакциялар жүргүзүлгөн.

Ошондой эле «Өкмөттүк акселераторлор» программасынын алкагында күбөлөндүрүү, кайра күбөлөндүрүү, майыптык фактысын аныктоо жол-жоболорун жөнөкөйлөтүү боюнча медициналык-социалдык эксперттик комиссиянын (МСЭК) процесстери автоматташтырылган (088/у формасы).

 Учурда республика боюнча 46 райондук бөлүмдөрдү камтыган «Оор турмуштук кырдаалдагы балдар» автоматташтырылган маалыматтык система (АМС) активдүү ишке ашырылууда.

Мекеме эл аралык кызматташтык боюнча Корея агенттиги KOICA менен биргеликте беш сервисти автоматташтыруу боюнча иштерди жүргүзүүдө: «үй-бүлөгө көмөк» жөлөкпулу; «социалдык жөлөкпул»; жарандарды жумушсуз катары каттоо жана тиешелүү маалымкаттарды берүү; кесиптик даярдоого, квалификациясын жогорулатууну кайра даярдоого жиберүү; акы төлөнүүчү иштерди уюштуруу программаларынын алкагында жарандарга убактылуу иш менен камсыз кылуу.

Эң көп окулган жаңылыктар