Душанбеде футзал боюнча кыз-келиндер арасында Борбор Азия футбол ассоциациясынын чемпионаты башталды. Бул тууралуу Instagram социалдык тармагында кабарланды.
Биринчи турда Кыргызстандын командасы Түркмөнстан курамасын 3:1 эсебинде утту.
Голду Нагима Турдалиева (дубль) менен Кенжебүбү Ырысбек кызы гол киргизишти.
Экинчи турда бүгүн, 5-февралда кыргызстандык кыздар Тажикстан курамасы менен беттешет.
Кыргызстандын командасынан тышкары тегерек система боюнча Тажикстан, Иран, Өзбекстан жана Түркмөнстандын курама командалары күч сынашат.
Биринчи турдун жыйынтыгы боюнча Кыргызстандын курамасы экинчи орунда турат.
