Кыргызстандын Абадан коргонуу күчтөрүнүн Ми-8МТВ тик учагы кулап, бир аскер кызматкери каза болуп, дагы 10 адам жараат алды. Бул тууралуу Коргоо министрлигинин басма сөз кызматы билдирди.
Маалыматка ылайык, төртөө жандандыруу бөлүмүндө жатат, алардын экөөсү өтө оор абалда. Алтоонун абалы орто.
Белгилей кетсек, буга чейин Коргоо министрлиги бир адам каза болуп, сегиз адам жараат алганын билдирген.
Мекеменин маалыматы боюнча, Ми-8 тик учагы окуу-машыгуу учууларынын жүрүшүндө Достук айылынан алыс эмес жерде жайгашкан "Фрунзе-1"авиабазасына авариялык түрдө конууга аргасыз болгон.
