Абадан кол салуудан коргоо күчтөрүнүн тик учагы окуу-машыгуу учууларынын жүрүшүндө конууга аргасыз болгон. Бул тууралуу Коргоо министрлигинин басма сөз кызматы билдирди.
Маалыматка ылайык, жабыркагандар бар.
«Коргоо министрлигинин жана Абадан кол салуудан коргоо күчтөрүнүн кызмат адамдары тарабынан бул окуянын чоо-жайын тактоо боюнча иштер жүргүзүлүүдө. Тергөөнүн жыйынтыгы боюнча кошумча маалымат кийинчерээк билдирилет», — деп айтылат маалыматта.
Буга чейин маалымдалгандай, Ми-8 тик учагы Достук айылына жакын жерде саат 11.00 чамасында «Фрунзе-1» авиабазасына кулап түшкөн. Айрым маалыматтар боюнча, бир адам каза болду.
