28-декабрдан 30-декабрга чейин жаан чачынга байланыштуу Кыргызстандын тоолуу райондорунда кар көчкү түшүүcү күтүлөт. Бул тууралуу Өзгөчө кырдаалдар министрлигинин басма сөз кызматы билдирди.
Мындан тышкары, Төө-Ашуу, Ала-Бел, Чапчыма, Кызыл-Бел ашууларында, ошондой эле Мырза-Аке — Кара-Кулжа — Алайкуу унаа жолунун 45-115-чакырымдарында кар күрткүсү күтүлүп, жолдор тайгак болуп, муз тоңот.
«Унаалардын ортосундагы 500 метр аралык кыймыл чектелиши зарыл. Алыскы жолго чыгууда күрөк, дөңгөлөк чынжырын, дары-дармек, ысык суу жана азык алууну унутпаңыз. Кырсык катталганда же унаа жолдорундагы абалды билүү үчүн 112 номерине байланышыңыз», — деп эскертет ӨКМ.
