Ош облусунун Кеңеш айылында 60 орундуу бала бакча курулат. Бул тууралуу мамлекеттик сатып алуулар порталында маалымдалат.
Маалыматка ылайык, Мамкурулуштун алдындагы турак жай-жарандык курулуш департаментинин Ош облустук капиталдык курулуш башкармалыгы сынак жарыялады. Бул үчүн 46 миллион 402 миң 750 сом сарптоо пландалууда.
Белгиленгендей, курулуш иштери 2024-жылдын аягына чейин аткарылышы керек (келишимге кол коюуда макулдашуу боюнча).
