Тажикстандын Бустон шаарында Камчыбек Ташиев жана Саймумин Ятимов жетектеген кыргыз-тажик мамлекеттик чек арасын делимитациялоо жана демаркациялоо боюнча Кыргызстан менен Тажикстандын өкмөттүк делегацияларынын кезектеги жыйыны болуп өттү. Бул тууралуу президенттин Баткен облусундагы өкүлчүлүгү билдирди.
Жолугушуунун жүрүшүндө тараптар кыргыз-тажик мамлекеттик чек арасынын долбоордук линиясынын калган тилкелерде өтүүсүн сыпаттоо боюнча макулдашууларды аткаруунун жүрүшүнө канааттангандыгын билдиришти.
Делегациялардын топографиялык жумушчу топторуна жана укуктук маселелер боюнча жумушчу топторуна ишти активдештирүү жана орун алган бардык чек ара маселелерин чечүү боюнча конкреттүү тапшырмалар берилди.
Делегация башчылары 2023-жылдын 2-октябрындагы № 44 протоколдун маанилүүлүгүн баса белгилеп, кыргыз-тажик мамлекеттик чек арасын делимитациялоо процессин тездетүү жана протоколдун жоболорун дыкат аткарууга даяр экендиктерин билдиришти.
