Орусияда Wildberries ишканасынын кызматкерлери арасында жапырт мушташ чыкты
11:00, 29 августа 2023, Бишкек - 24.kg
Электросталь шаарында Wildberries ишканасынын кызматкерлери арасында жапырт мушташ чыкты. Бул тууралуу Baza Telegram-каналы жазып чыкты.
27-август күнү маркетплейсттин кампасында иштеген 40дай кызматкер мушташа кеткен.
Алардын айрымдарында бычак болгон. Мушташтан кийин 22 жаштагы кыргыз жараны жана 21 жаштагы орусиялык жигит бычактан жаракат алып ооруканага жеткирилди.
Полиция ишти тергөөдө.
