Ош облусунда өз атасын өлтүргөн жаран кармалды. Бул тууралуу 24.kgге өздүк булактар билдирди. Окуя Амир-Темир микрорайонунда болгон.
"Кылмыш жасагандан кийин шектүү документтерин алып, такси менен качып кетүүгө аракет кылган. Ал кармалды", — деп билдиришти редакцияга.
Ош шаарынын ИИБи 24.kgге маалыматты тастыктады. Мекеменин маалыматына ылайык, атасы менен баласы уруша кетип, ал атасын өлтүрүп койгон.
«Маркум 68 жашта болгон. Алар бир короодо жашашчу. 14-августта уулу атасы менен урушуп, андан кийин бычак алып, бир нече жолу сайган. Кылмыш иши козголду», — деп билдиришти мекемеден.
