Президентикке талапкер болгон аял ЖКга шайланууга арыз берди

Ленин округундагы бир мандаттуу кайра шайлоого катышууга 26 адам арыз берди. Бул тууралуу Борбордук шайлоо комссиясы билдирди.

Маалыматка ылайык, жумушсуздар катары көрсөтүлгөн Руслан Ажыбеков менен Жээнбек Искендеровдон тышкары мандат үчүн мугалим Карачач Исмаилова күрөшөт. Ал 202-жылы президенттикке талапкерлигин коюп, бирок кийинчирек арызын кайтарып алган.

Ачык булактардан белгилүү болгондой буга чейин Исмаилова Чүй облусундагы Кемин районунун Ильчев айыл өкмөтүнүн башчысы болгон. Бирок айылдык кеңештин депутаттары бир добуштан ага ишенбестик билдиришкендиктен, ээлеген кызматынан бошотулган.

Ал кайра шайлоодо депутаттыкка талапкерлигин корсөткөн бешинчи аял болду.

БШК талапкерлерди көрсөтүү 10-августта аяктарын эскертет.

Парламент депутаттарын кайра шайлоо 10-сентябрда Ленин бир мандаттуу округунда өтөт. Каттоо 20-августка чейин уланат.

Буга чейин БШК Ленин району боюнча 28-майда өткөн мөөнөтүнөн мурда шайлоонун жыйынтыгын жараксыз деп таап, Дамира Ниязалиевага берилген добуштар жокко чыгарылган. Ал шайлоодо добуштардын 35,86 пайызын алган.