Улуттук коопсуздук мамлекеттик комитетинин Баткен облусу боюнча кызматкерлери Кара-Бак айылынын тургунунан акциздик маркасы жок 1,8 миллион сомго бааланган тамеки таңгактарын табышты. Бул тууралуу мекеменин басма сөз кызматы билдирди.
Маалыматка ылайык, Баткен райондук соту кылмыш ишин карап чыгып, Кылмыш-жаза кодексинин 239-бернеси (Милдеттүү түрдө маркаланууга тийиш болгон ири өлчөмдө жасалган продукцияны акциздик маркаларсыз жана/же идентификациялоо каражаттарысыз өндүрүү, сактоо, импорттоо же сатып өткөрүү) бюнча соттолуучуну күнөөлүү деп тапты.
Ага 100 миң сом айып пул салынып, 17 миң 960 таңгак тамеки конфискациялынды.
